آئین نا گولڈن جوبلی کنونشن اٹ 17 ملک انا پارلیمانی ڈل آک ساڑی

اسلام آباد: قومی اسمبلی نا کنڈآن آئین نا گولڈن جوبلی نا رداٹ اِرادے ئی جہانی کنونشن چارشنبے نا سہب اتون پارلیمنٹ ہاؤس اٹی بناکرے۔ آئین نا گولڈن جوبلی نا چرجوئی ٹی اڈ ہلوک کنونشن اٹی 17 آن زیات ملک آتاپارلیمانی ڈل آک شریک ءُ۔ اسپیکر میڈیا آفس آن جاری بیان نا رداٹ کنونشن اٹی سعودی عرب، ایران، آذربائیجان، شام، بیلجیئم نا اسپیکر /ڈپٹی اسپیکر و چیئرمین شریک ءُ۔ جہانی کنونشن اٹی کینیا، سری لنکا، لبنان، عمان، تاجکستان و کرغزستان نا پارلیمانی ڈل آک ہم شریک ءُ۔ کنونشن اٹی درملکی ماہر کانود، اسکالر، دانشور و پروفیشنل آتے ہم بٹنگ انگانے۔ ورنا، زالبول، طالب علم و ایلو زند انا بشخ آتیان تعلق تخوک آ بندغ آک ہم کنونشن نا حصہ ءُ۔ کنونشن اٹی میڈیا نا نمائندہ و سول سوسائٹی آن تعلق تخوک آ بندغ آتے ہم بٹنگ انگانے۔

(اے پی پی)