کولا کارندہ غاتا خونی تے دزگیر و شہید آتا خاہوت آتے 25,25 لکھ روپئی تننگے‘پیرمحمدکاکڑ

0

Get real time updates directly on you device, subscribe now.

کوئٹہ (آن لائن) مائنز ورکر آتا برمتہ و شہید کننگ نا برخلاف برانز کننگا، تدوک آ دے شاہرگ اٹ دوکول مائنز ورکر آتے ننکان برمتہ کننگاسس ہرادے بیدردی اٹ شہید کرسا اوفتا لاش تے بٹنگاسس ہراکان گڈ پاکستان ورکرز فیڈریشن بلوچستان تون اوار مائنز یونین و مائنز ورکر آک لاش تے روڈ آ تخسا کوئٹہ ہرانائی شاہراہ ءِ ہر وڑ انا ٹریفک کن بند کریر‘ ہندا وخت آ پاکستان ورکرز فیڈریشن بلوچستان نا جنرل سیکرٹری پیر محمد کاکڑ نا کماشی ٹی شمس خلجی، عزیز احمدسارنگزئی، نعمت خان کاکڑ آ ساڑی ڈل کوئٹہ غان بس ڈل مائنزورکر آتا سلاہ غان گڈ علاقہ نا متبر‘ غٹ سیاسی پارٹی تا ہندی سرکڑدہ‘ مائنز مالک و ٹھیکیدار آتیا ساڑی کمیٹی تون مذاکرات کرے‘ مذاکرات اٹ شرہ غان گڈ دا ہیت آ امنا کننگا کہ تانکہ مائنز ورکر و مائنز اونر آتے رکھ تننگپک ہمو وخت اسکان مائن تے ٹی ہر وڑا نا کاریم بند مریک۔ او بلوچستان حکومت آن خواست کریر کہ خونی تے دزگیر و شہید آتا خاہوت آتے 25,25 لکھ روپئی تننگے۔

Get real time updates directly on you device, subscribe now.

Leave A Reply

Your email address will not be published.