پرائیویٹ اسکول آک کورونا دے تیٹی ہم باوہ لمہ غاتے تنک کننگ ءُ‘زبیر بلوچ
Get real time updates directly on you device, subscribe now.
کوئٹہ (آن لائن) بلوچ اسٹوڈنٹس آرگنائزیشن پجار نا بنجائی آرگنائزر زبیر بلوچ و ڈپٹی آرگنائزر نادر بلوچ اسک پارینو کہ پرائیویٹ اسکول آک عدالتی فیصلہ غان پد ہم یخ انا مُد انا فیس تے ہلکر وداسہ کورونا نا سوب آن اسکول وکالج آک بند ءُ تو داسہ ہم باوہ لمہ غاتے فیس اکن تنک کننگ انگ ءِ۔ عدالتی فیصلہ غاتیا عملدرآمد کرفنگ کن حکومتی باسک آک کوشست ہم کپسہ۔ بیان اٹ مستی پاننگانے کہ آن لائن کلاس آک بایدے مریر ولے بلوچستان نا کیہی ضلع غاتے ٹی انٹرنیٹ نا آسراتی اف و پرائمری نا چناتے آن لائن کلاس آک سمجھ اٹ بفسہ۔ او خواست کریر کہ بلوچستان اٹ مکران و قلات ڈویژن نا کیہی ضلع غاتے ٹی ہرافتے ٹی موبائل انٹرنیٹ سروس معطل ءِ اودے دمدستی بحال کننگے۔ او پاریر کہ اسکول نا کہول آ آن لائن کلاس آتا مطلب فیس ہلنگ ءِ ہرادے نن مسترد کینہ۔