کوروناوائرس نا دین اٹی بشخ ہلوک قومی ہیروک ستاکڑزرہ، سرداربابر خان موسیٰ خیل

کوئٹہ (اے پی پی) بلوچستان اسمبلی نا ڈُپٹی اسپیکر سردار بابر خان موسیٰ خیل پارینے کہ وزیراعظم عمران خان ءِ دیہاڑی دار و نیامی تپہ نا مخلوق نا سختی تا جوانی اٹ درک ارے ہندا سوب آن حکومت کرفیو خلنگ و لاک ڈاو ¿ن نا سختی نا پرمان تفننگ ءِ ، کورونا وائرس اٹی پاک فوج انا ورنا، ڈاکٹرز و پولیس ، فرنٹیئر کور ولیویز کارندہ و چندی رفاہی تنظیم تا خذمت آک ستاکڑزرہ، داخیال آتا درشانی ءِ او پنچ شنبے نادے آ “اے پی پی” تون گپ وتران کرسا کرے۔ ڈپٹی اسپیکر بلوچستان اسمبلی سردار بابرخان موسیٰ خیل پارے کہ وزیراعظم عمران خان ہروخت متحرک و ہر چارآصوبہ غاتا کمامدار آتتون رابطہ ٹی ءِ، کرونانا بابت ٹائیگر فورس انا جوڑ کننگ وخت انا اولی گرج ءِ ورناتتون اوار منشاکار آتا بھلو کچ اسے ٹی ٹائیگر فورس اٹ اوار مننگ بنجائی حکومت آ پت انا درشانی ءِ ۔ اوپارے کہ کروناوائرس نا دین ءِ الس نا ہم کوپہ مرسا بے سہب کینہ۔ وزیراعظم عمران خان نا کنڈآن نیامی تپہ کن خصوصی پیکیج نا پڑو سختی نا دے تیٹی نعمت اسے آن کم اف، احساس پروگرام نا بناآن اختہ مروک آ تپہ ءِ ریلیف ملک۔