چاغی ٹی تھلیسیمیا نا ناجوڑ آتا گڑتی نا کچ اسکان ودکی

چاغی، چاغی ٹی چناتیا تھلیسیمیا نا ناجوڑی ودوک آ کچ گڑتی نا دروشم دوئی کننگ اٹی ءِ، تھلیسیمیا نا ناجوڑی کیہی چنا تے پلویڑ کرینے۔ سرجم حوال آتا رِد اٹ چاغی شار و کلی تیٹی تالان مروک آ دا ناجوڑی فریشان کروک کچ اسکان ودانے، چاغی ٹی دے پہ دے چناتیا تھلی سیمیا نا ناجوڑی ٹی ودکی آن الس ءِ فریشانی مون تروک ءِ انتئے کہ چاغی ٹی غریبی و پسماندگی نا سوب آن الس مہالو آن چندی ویل آتا گواچی ءِ، جانجوڑی محکمہ نا کنڈ آن چناتیا تھلی سیمیا نا ناجوڑی نا بابت بے خبری و سُج پام مفننگ نا سوب آن چاغی شار و ایب کیب نا علاقہ غاتیٹی چناتیا تھلی سیمیا کون آ ناچوڑ آ ناجوڑی داتم اسکان کیہی چناتے ہرفینے۔