ایران آبنائے ہرمز ءِ پورو ملنگ کن امریکہ غا 6 شڑت تخا
Get real time updates directly on you device, subscribe now.
تہران، ایران آبنائے ہرمز ءِ پورو وڑاٹ ملنگ کن امریکہ ءِ 6 شڑٹ تسنے۔ ایران نا قومی سلامتی کونسل نا سیکرٹری ذوالقدر نا کنڈ آن جاری مروک بیان اٹی آبنائے ہرمز ءِ پورو وڑاٹ ملنگ کن امریکہ ءِ 6 شڑت تننگانے۔ سیکرٹری قومی سلامتی کونسل نا رِد اٹ ہچ گہس و ہچ ءُ زبان اسے ٹی ایران ءِ دھڑکو تننگپ، ایرانی قوم انا ہچ ءُ بے شرفی اس سگنگ مفک۔ ایران و اونا سیوتی ملک آتیا بیٹ کروک جنگ ءِ مدامگی وڑاٹ ایسر کننگے، ایران نا بحری گھیڑ)ءِ چٹنگے و امریکی فوج آتے ایران نا ایب کیب آن پدی خواہفنگے۔ بیان اٹی پیدوار کننگانے کہ ایران ءِ رسینگوک کل نسخان تا بیدس کمتی آن پورو بدل ءِ تننگے۔ ایرانی قوم آ خلوک بے انصاف و کانود آن چَپ رکھ آتے اینک کننگے۔ بیدس شڑت آن ایرانی الس نا دُزی کروک و منجمند کروک میرات آتے پدی تننگے۔ سیکرٹری قومی سلامتی کونسل پارینے کہ امریکہ اگہ تینا وڑ و ڈول ءِ بدل کتو تو آبنائے ہرمز دوارہ ملنگپک۔ جنگ مرے یا مذاکرات، ایران تینا عزم آن ہچ گہس پدی مفک۔