وزیراعلیٰ بلوچستان میر سرفراز بگٹی نا ہنگو ٹی 7 دہشت گرد آتا خلنگ آ سیکورٹی فورس آتے خراجِ تحسین
Get real time updates directly on you device, subscribe now.
کوئٹہ، وزیراعلیٰ بلوچستان میر سرفراز بگٹی ہنگو ٹی سیکورٹی فورس آتا سرسہب انٹیلی جنس بیسڈ آپریشن اٹی ”فتنۃ الخوارج” نا 7 کارندہ غاتے خلنگ آ سیکورٹی فورس ءِ خراجِ تحسین پیش کرینے۔ تینا بیان اٹی وزیراعلیٰ میر سرفراز بگٹی آپریشن نا وخت آ بہادری اٹ جنگ کرسا شہید مروک کیپٹن حمزہ اکرم ءِ ہم خراجِ عقیدت پیش کرے و پارے کہ وطنِ عزیز نا دفاع و امن و سوگوی کن تینا جان تے ندر کروک آک ننا اصل ہیرو ءُ۔ میر سرفراز بگٹی پارے کہ دہشت گردی نا برخلاف جنگ اٹی پاک فوج و ایلو سیکورٹی ادارہ غاتا قربانیک قوم اکن گمر نا سوب ءُ۔ شہید آتا قربانیک زیان مفسہ، اوفتا سوب آن ملک اٹی مدامگی امن و سوگوی نا مزل دوئی مریک۔ وزیراعلیٰ پارے کہ دہشت گرد و اوفتا کمکار آتیکن پاکستان اٹی ہچ ءُ جاگہ اس اف۔ ریاست نا رٹ ءِ چیلنج کروک آتا برخلاف بے فرق کارروائی برجا سلک۔