الس ءِ بنداوی آسراتی تا فراوانی ءِ پک کننگک‘اے این پی
Get real time updates directly on you device, subscribe now.
کوئٹہ (آن لائن) عوامی نیشنل پارٹی نا راہشونک پارینو کہ دیر اللہ تعالیٰ نا اسہ بے مٹ ءُ نعمت اسے‘ نن بایدے دادے احتیاط اٹ کاریم اٹ اتین‘ جانجوڑی‘ تعلیم‘ دیر‘ مواصلاتی نظام کون آ بنداوی آسراتی تا فراوانی ءِ عوامی نیشنل پارٹی اولیت ایتک، پارٹی نا سرکڑدہ‘ کارندہ غاتا جہد بھرم ایتک، فخر افغان باچاخان غان میرات اٹ رسینگوک الس نا خذمت نا چرجوئی برجا سلک‘ الس نا کنڈآن کروک پت ءِ پورو کننگ نا ہر وڑ اٹ کوشست کینہ‘دا وخت آ صوبائی وزیر کشت وکشار انجینئر زمرک خان اچکزئی نا فنڈز آن ہزارگنجی بڑیچ ٹاﺅن اٹ واٹر سپلائی نا بناءِ کننگا‘ دا رد اٹ اڈ تروک دود آن ضلع کوئٹہ نا صدر جمال الدین رشتیائ، بنجائی جوائنٹ سیکرٹری رشید خان ناصر، صوبائی اسمبلی نا باسک شاہینہ کاکڑ، ضلعی جنرل سیکرٹری حاجی نذرعلی پیر علی زئی، حاجی محمدبڑیچ، قاری علی محمد اس تران کریر۔