ساڑی آ وسیلہ غاتیٹی رہنگسا امن و ایمنی کن گام گیج کننگ انگ ءِ‘ پرویز عمرانی

خضدار: ڈی آئی جی خضدار رینج پرویز عمرانی پارینے کہ دوئی آ فورس و وسیلہ غاتیان رہنگسا خضدار اٹ قیام امن اکن جوان گام گیج کننگ اٹی ءِ۔ امن انا قیام اُلس و واپار برادری آن بیدس ناممکن ءِ ہندا سوب آن ملسا نن کل جوان ءُ چاگڑد اسے نا کاریم اٹ اتوئی ءِ۔ واپار برادری مچ آ سوسائٹی اٹ عزت دار و کودک آ تپہ اوار کیک او ہراتم شکوہ شکایت یا سفارش و خواست کیک تو اوفتا دا ڈیمانڈ ہر وخت جائز و برحق مریک واپار ملکی زرگزران کن برج انا کڑد ادا کیک ہندا سوب آن واپار برادری نا ویل آتا بابت اٹ ای تکوہ و انشاء اللہ اوفتا مرضی و منشاء و سلاہ غان سیکورٹی معاملہ غاتے مستی دیک۔ دا ہیت ءِ او انجمن تاجران خضدار نا صدر حافظ حمیداللہ مینگل و ایلو کمامدار آتیان اوڑدہی نا وخت آ ہیت وگپ کرسا کرے۔ او وخت آ ایس ایس پی خضدار فہد خان کھوسہ ایس ایچ او خضدار سٹی شاہد اسلم پولیس انسپکٹر محمد جان ساسولی ہم ڈی آئی جی تون اوار ئس۔

(خ ن)