الس دشمن گام گیج آتیان مخالف آتا سیاست چٹانے، حسن زہری
Get real time updates directly on you device, subscribe now.
حب: حب پیپلزپارٹی نا ضلعی صدر میر علی حسن زہری نا پاننگ ءِ کہ بلوچستان ہائی کورٹ نا کنڈآن قومی اسمبلی نا باسک اسلم بھوتانی نا کنڈآن ٹھٹھہ سرمٹ فیکٹری و وندر ڈیم انا کمانڈ ایریاٹی 15 ہزار ایکڑ ڈغار نا الاٹمنٹ نا برخلاف دائر درخواست آتا مسترد مننگ ءِ الس نا سرسہبی گوندسا پارینے کہ الس دشمن گام گیج آتا سوب آن بھوتانی برادران ناسیاست مدامی کن چٹانے، او بیرہ دریجی اسکان کچ اٹ مسنے، بلوچستان ہائی کورٹ نا دا فیصلہ غان ہندی کہول آ ہزار آ مخلوق ءِ روزگار دُوبریک ہراڑان ضلع لسبیلہ نا الس نا زرگزرانی حالیت ہراکہ بے کچ ابتر ءِ او گچین مریک۔ بھوتانی برادران ہراتدوک آ چِل آن حب انا الس آ مسلط ءُ اوفتا سیاست مدام کرپشن، غنڈہ گردی و ڈغارتیا کوزہ ئسک داسہ اوفتا ہمیشہ ہمیشہ کن خاتمہ مریک اونا پاننگ ئس کہ کنا مرک و زند بلوچستان نا الس تون ءِ و نن کس اسے نا دھڑکو تیٹی بفنہ، بھوتانی برادران داسہ شکست خوردہ مرسا دھڑتیا بسنے ہرا بھاز قابل افسوز ہیت اسے۔
۔ (پ۔ر)