براہوئی السی ادب، ڈغار نا سیم و دنگ آتے پاننگ نا وڑ

براہوئی زبان تین تون بھلو بھلو السی ادب اس خوندی تخانے.

دافتیان اسٹ اس ڈغار تا سیم و دنگ آتا بابت ہم ارے، ہرافتے یات تخنگانے و سینہ بہ سینہ اینو نا گیری اسکان سر کننگانے۔

خلقی کِسہ، شئیر، چاچا ، متل وساہت آتیانبار دا بشخ ہم خوندی کننگ کڑزک۔ عنایت ساغر نا تعلقداری سوب آن ءِ، او شاعر و نثر نگار اسے۔ و دا وخت آ او براہوئی السی ادب نا مڈی تے مچ کننگ نا کنڈ آ چکار کرینے۔ دا اونا ہندا کوشست آتا اسہ بشخ اسے۔

دا ویڈیو ٹی شاعر علی دوست محمد حسنی ماراپ والا بلوچستان نا سیم و دنگ آتے السی ادبی رنگ نا دروشم اٹ پارینے۔