درخت تخنگ اسہ قومی ءُ مہم اسے‘ ڈی سی زیارت
Get real time updates directly on you device, subscribe now.
زیارت : محکمہ جنگلات زیارت نا کنڈآن الہجرہ کالج زیارت اٹ جوان ءُ دود اس اڈ ہلک۔ پروگرام نا چیف گیسٹ ڈپٹی کمشنر زیارت شبیر احمد بادینی ئس او وخت آ ڈپٹی کمشنر زیارت شبیر احمد بادینی درخت تخنگ مہم نا بابت اٹ پل اس ہم خلک و درخت تخنگ مہم و درخت نا فائدہ غاتا بابت اٹ طالبعلم آتیان تران ہم کرے۔ کنزرویٹر فاریسٹ سبی ڈویڑن حافظ محمد جان، ڈپٹی کنزرویٹر فاریسٹ حسیب خان کاکڑ، پرنسپل شبیر احمد بڑیچ رینج فاریسٹ افسر جان محمد ہم ساڑی ئس۔ تون ڈپٹی کمشنر زیارت شبیر احمد بادینی تران کرسا پارینے کہ درخت تخنگ اسہ قومی ءُ مہم اسے۔ داٹی جوان بشخ ہلنگے۔ زیات درخت تینا کالج اٹ کلسا اودے زیبدار کننگے۔ ہراڑان نہ بیرہ کالج نا زیبائی ٹی ودکی مریک وخت اس کہ جوان ءُ چاگڑد اس دوئی مریک۔
(خ ن)