ساڑی سائنس ٹیکنالوجی دور اٹ زالبول آتا مر آن دیر اتنگ گڑتی اسے‘ ثناء بلوچ

خاران : صوبائی اسمبلی نا باسک ثنا بلوچ اسہ کروڑ 25 لکھ روپئی نا لکھ گیلن واٹر ٹینکی عالم خیل محلہ نا بنا ءِ کرے۔ وخت اس کہ یسین گز،وڈھ گواش روڈ،جنگل روڈ متکن آ قبرستان ایریا،مزارزئی محلہ، جوژان، مدینہ ٹان محلہ مختلف سائیٹ نا جچ ءِ ہلک۔ او وخت آ او پارینے کہ دیر ہر بندغ نا بنداوی ءُ حق اسے۔ ساڑی سائنس ٹیکنالوجی نا دور اٹ زالبول آتا مر آن دیر اتنگ ءِ سگپنہ۔ او پارینے کہ تینا دا اپوزیشن نا وخت اٹ نن اخس کہ دیر انا ویل آ فوکس کرینن تاریخ اٹ دانا ہچ ءُ مٹ اس اف۔ ودوک آ آبادی نا سوب آن نن سٹی ٹی کم و ود دوانزدہ پوسکن ءُ واٹر سپلائی اسکیم خلکن۔ و شاپنگ بازار تون اوار کیہی ایریا تیٹی بھلو کچ اسے ٹی واٹر ٹینکی جوڑ کرفنگ انگ اُن۔ تانکہ دیر انا ویل آ زوت اس کنٹرول کننگے و اُلس ءِ کننگ نا ساف ءُ دیر انا فراوانی ءِ وخت آ کننگے۔

(آن لائن)