الس نا جان ومال انا رکھ اکن سیف سٹی بے مٹ ءُ ڈٹ اسے،جام کمال

0

Get real time updates directly on you device, subscribe now.

لاہور: وزیراعلیٰ بلوچستان جام کمال خان پنجاب سیف سٹیز اتھارٹی ہیڈ کوارٹر نادورہ ءِ کرے‘ داوخت آ آئی جی بلوچستان رائے طاہر، ایم ڈی راؤ سردار علی خان و سی او او محمد کامران خان وزیراعلیٰ ءِ بخیر کریر و منیجنگ ڈائریکٹر پنجاب سیف سٹیزاتھارٹی راؤ سردار علی خان و چیف آپریٹنگ آفیسر محمد کامران خان اتھارٹی نا بارو اٹ جم بریفنگ تس و چندی بشخ آتا دورہ ءِ کرفے۔ وزیراعلیٰ بلوچستان اتھارٹی نا آپریشن اینڈ مانیٹرنگ سینٹر آن مچ آ شار اٹ مانیٹرنگ نا عمل نا جاچ ءِ ہلک۔وزیراعلیٰ بلوچستان میڈیا سینٹر، پکار 15، ایمرجنسی 15سینٹر تون اوار ایلو بشخ آتا ہم دورہ ءِ کرے۔ دا وخت آ وزیراعلیٰ بلوچستان ءِ ای چالان سسٹم نا بارو اٹ ہم جم بریفنگ تننگا۔چیف آپریٹنگ آفیسر محمد کامران خان پارے کہ لاہور اٹ 8000 کیمرہ نا کمک اٹ 24گھنٹہ مانیٹرنگ ناعمل برجاءِ‘ ہروڑ انا حالیت آتیا نظر تخنگانے۔دا وخت آ وزیراعلیٰ بلوچستان جام کمال خان اتھارٹی نا ورکنگ اٹ استخواہی ہلک و چندی پہلو تیا سوج ہرفے۔ وزیراعلی بلوچستان جام کمال خان تینا خیال آتا درشانی ءِ کرسا پارے کہ الس نا جان ومال انا رکھ اکن سیف سٹی بے مٹ ءُ ڈٹ اسے ہرانا ڈیہہ اٹ بھاز پن ارے۔ اوپارے کہ دا وڑ انا پوسکن ءُ ڈٹ بایدے مچ آ ملک اٹ خلنگے۔ کوئٹہ سیف سٹی پراجیکٹ نا ٹیم پنجاب سیف سٹیز اتھارٹی نا دورہ ءِ کرے‘ زوت کوئٹہ سیف سٹی ڈٹ نا ہم بناءِ کننگک۔کوئٹہ سیف سٹی ڈٹ اکن تکنیکی کمک نا رد اٹ پنجاب تون ایم او یو کننگ نا خواہندار اُن۔ منیجنگ ڈائریکٹر پنجاب سیف سٹیزاتھارٹی راؤ سردار علی خان پنجاب سیف سٹیز اتھارٹی ناکنڈآن کوئٹہ سیف سٹی ڈٹ اکن ہر وڑ انا کمک کننگ نا باور کرفے۔دا وخت آ آئی جی بلوچستان رائے طاہر وزیراعلیٰ بلوچستان ءِ کوئٹہ سیف سٹیز پراجیکٹ آ پیشرفت نابابت ہم بریف کرے۔ آئی جی بلوچستان پارے کہ دا سال اناخیر اسکان کوئٹہ سیف سٹیز پراجیکٹ کاریم نا بناءِ کننگک۔

(خ ن)

Get real time updates directly on you device, subscribe now.

Leave A Reply

Your email address will not be published.