لیوی بھتہ چٹتو تو پہیہ جام، اسلام آباد آ مارچ کینہ، حافظ نعیم

لاہور، امیر جماعت اسلامی حافظ نعیم الرحمن پیدوار کرینے کہ اگہ پٹرولیم لیوی بھتہ چٹتو تو اسلام آباد مارچ، پہیہ جام و ٹرین مارچ انا گنجائشت آک اریر‘ حکومت مذاکرات کن اسہ سنجیدہ ءُ ڈل اس راہی کے، بیست آن سی ہند آتیا آخبتی دھرناک برجا ءُ، دھرنا تے مستی ودفنگک۔ دا خیال آتا درشانی او وزیراعلیٰ ہاؤس نا پیشن آ برجا دھرنا نا 23می دے پریس کانفرنس آن تران کرسا کرے۔ امیر پنجاب وسطی جاوید قصوری و سیکرٹری حوالکاری شکیل احمد ترابی ہم دا وخت آ ساڑی ئس۔ حافظ نعیم الرحمن پارے کہ ساڑی حکومت لیوی بھتہ نا رد اٹ دا وخت اسکان چار ہزار ارب نا غریب الس نا جیب آتیا داڑیلی کرینے‘ ایلو کنڈ آ ٹیکس ہدف آتا دوئی کننگ کن ایف بی آر اٹی سال انا ارب آتا روپئی کرپشن مننگ اٹی ءِ‘ چار سال اٹی ایف بی آر ٹیکس نیٹ اٹی اوار بندغ آتیان پنچ ہزار ارب انا ٹیکس دوئی کننگ متنے۔