یمن اٹی حوثی ٹولی نا ہند، فوجی گاڈی تیا 13 فضائی جلہو

صنعا، یمنی فوج نیامی یمن اٹی حوثی ٹولی نا ہند، فوجی گاڈی و جنگوڑو آتا مچی تیا 13 فضائی جلہو نا دعویٰ کرینے۔ انادولو نا رداٹ یمنی سلہہ بند فوج انا میڈیا سینٹر پارے کہ جلہو آتیٹی البیضاء گورنری نا الشریہ، ذی نعیم، البیضاء و السوادیہ ضلع غاتے ٹی حوثی تا جتا جتا ہند آتے شست کننگا۔ کارروائی نا وخت آ اسہ میزائل لانچر اسے نا بھس کننگ نا دعویٰ ہم کننگانے۔ یمنی فوج انا رداٹ سویلی صوبہ الضالع اٹی ہم اسہ پین کارروائی اس کننگا، ہراڑے مریس محاذ نا جبل ناصہ غا حوثی تا کمانڈ اینڈ کنٹرول روم و تھرمل چاروکی نظام ءِ بھس کننگا۔ کمامدار آتا رداٹ فضائی جلہو تا مسخت حوثی تا فوجی واکداری، کمانڈ نظام و میزائل میرات آتے نسخان رسیفنگ ئس۔ ولے جلہو آتیٹی مروک جانی نسخان تا احوال مون آ بتنے۔ یمن اٹی تدوک آ دے تیٹی حوثی تا و حکومت نا فورس آتا نیام اٹی جنگ اٹی ترندی بسنے، ہراڑان ملک اٹی ولدا بھلا کہول آ جنگ انا بنا مننگ نا گمان آک ودانو۔