وزیراعلیٰ بلوچستان میر سرفراز بگٹی نا سرسہب ءُ گپ و تران، زیارت کراس برانز ایسر

وزیراعلیٰ بلوچستان میر سرفراز بگٹی زیارت کراس آ سرمسا برانزی تون دراست اوڑدہی کرے، اوفتا خواست و گڑتی تے خوڑتی اٹ خف تورے و ویل آتا ایسر کن دمدستی گام گیج آتا پڑو ءِ کرے۔ وزیراعلیٰ میر سرفراز بگٹی برانزی تا خواست آتیا سجفنگ و بھرمی ءُ سلاہ مرتب کننگ کن اسہ کمیٹی اس ٹہیفے، وخت اس کہ برانزی تا نمائندہ ڈل ءِ خوڑتی گپ و تران و خواست آتے پیش کننگ کن چیف منسٹر سیکریٹریٹ آ دعوت تس۔ او باور کرفے کہ الس نا روا انگا خواست آتے کانود، میرٹ و انصاف نا رِد اٹ ایسر کننگ مرو۔دا موقع آ برانزی تان تران کرسا وزیراعلیٰ بلوچستان پارے کہ دشمن بلوچستان آ اِرا کنڈ آن جلہو کرینے، اسہ کنڈ آ کودک آ شاری تے خون کننگ اٹی ءِ تو ایلو کنڈ آ الس نا روزگار ءِ نسخان رسینفنگ نا کوشست کننگ اٹی ءِ، وخت اس کہ دا غٹ نا دوبہ ءِ ہم ریاستی ادارہ غاتیا شاغنگک۔ او پارے کہ ہند ءُ حالیت آتیٹی المی ءِ کہ مچ آ قوم سیوت، ہمدری و یکجہتی نا درشانی ءِ کیر تانکہ دشمن نا ہر سازش اس ہورک مننگ کے۔