مستونگ‘انجمن تاجران نا خواست آ بازار اٹ ارٹمیکو دے ہم پورو شٹرڈاﺅن ہڑتال

0

Get real time updates directly on you device, subscribe now.

مستونگ (آن لائن) انجمن تاجران نا خواست آ بازار اٹ ارٹمیکو دے ہم پورو شٹرڈاﺅن ہڑتال مس‘ کل واپاری ہندجاٹ آک بند ئسر۔ حوال نارد اٹ تدوک آدے فوڈ اتھارٹی ناکنڈآن بازار اٹ کارروائی نا وخت آ ہیبدار گڑا بہا کننگ آ دکان تے سیل و ڈنڈ کننگ نابرخلاف تاجریونین نا خواست آ شار اٹ ارٹمیکو دے ہم پورو شٹرڈاﺅن ہڑتال کننگا وخت اس کہ سلطان شہیدچوک آ برانزی مچی اڈ تننگا۔ برانزی تیان تاجر یونین نا صدر غلام سرور شاہوانی‘ میراورنگزیب قمبرانی‘ نیشنل پارٹی نا صدر نواز بلوچ‘ میر سکندرخان ملازئی‘ بلوچستان نیشنل پارٹی نا میر غفار مینگل‘ بی ایس او نا بنجائی کمیٹی نا باسک جہانگیرمنظور بلوچ‘ بی ایس او پجار نا زونل صدرناصر بلوچ وایلوفک تران کرسا پاریر انتظامیہ دکان تے دزگیر کرسا اوفتیان پیسہ ہلیک ہرانا ہچ ءُ رسید اس تفک‘ کل پیسہ غاک کرپشن ناگواچی مریرہ۔ او پاریر کہ اسسٹنٹ کمشنر نا پوریاگر برادری تون رویہ خراب ءِ ہرادے ہچ سگنگ مفک و اونا غیاکانودی گام تا برخلاف برانز ناچرجوئی برجا سلک۔ برانزی مچی آن پد انجمن تاجران نا ڈل بازار یونین نا صدر حاجی غلام سرورشاہوانی و سرپرست اعلی میراورنگزیب قمبرانی ناکماشی ٹی ڈپٹی کمشنر مستونگ محبوب احمد اچکزئی تون اونا دفتر اٹ اوڑدہی کرے‘ اوڑدہی ناوخت آ پوریاگر راہشونک ڈپٹی کمشنر ءِ تدوک آدے بلوچستان فوڈ اتھارٹی ناکنڈآن کارروائی‘ ڈنڈ و دکان تے سیل کننگ تون اوار ایلو ویل آتیان معلومدار کریر۔ داوخت آ ڈپٹی کمشنر مستونگ پوریاگر راہشون تے ہر وڑ انا کمک و اوفتا ویل آتے ایسر کننگ نا باور کرفے‘ پوریاگر راہشونک ڈپٹی کمشنر تون سرسہب مذکرات آن پدبرانز ءِ چٹفنگ ناپڑو کریر۔

Get real time updates directly on you device, subscribe now.

Leave A Reply

Your email address will not be published.