سیریز اٹ گگلی نا کمک اٹ انگلینڈ ٹیم ءِ فریشان کیوہ‘یاسر شاہ

0

Get real time updates directly on you device, subscribe now.

لاہور (مانیٹرنگ ڈیسک) قومی ٹیم نا لیگ اسپنر یاسر شاہ پارینے کہ تینا ایکشن و گگلی آ زیات کاریم کننگ اٹی اُٹ۔ انگلش ٹیم نا برخلاف کنا گگلی کنے کاریم ایتک۔ ویڈیو لنک پریس کانفرنس اٹ قومی ٹیم نا لیگ اسپنر پارینے کہ مسہ تُو اُرا ٹی مننگ آن پد انگلینڈ اٹ کرکٹ پریکٹس نا وارخواہی رسینگا۔ ووسٹر اٹ پریکٹس میچ جوان مس۔ مستی او پارینے کہ جولائی و اگست اٹ انگلینڈ نا وکٹ آک اسپنر آتے سپورٹ کیرہ، مشتاق احمد کنے ٹپس ترسا ءِ۔ میچ اٹ کنا ہندا کوشست مریک کہ جوان پرفارم کننگ کیو۔ کرکٹ بورڈ فاسٹ باؤلر و اسپنر آتے آسراتی تننگ اٹی ءِ۔ یاسر شاہ پارینے کہ تینا ایکشن وگگلی آ زیات کاریم کننگ اٹی اُٹ۔ انگلش ٹیم نا برخلاف کنا گگلی کنے کاریم ایتک۔ قومی ٹیم نا بیٹنگ لائن جوان ءِ، انگلینڈ نا برخلاف پریشر اف، جوان باولنگ ہموتم مریک ہراتم پارٹنر شپ جوان مرے۔ لیگ اسپنر پارینے کہ کوشست کیوہ کہ جوان کارکڑد نشان ایتو۔ مصباح الحق نا بننگ آن کنا کڑد مالو آمبار ءِ، سینئر نا وڑاٹ کوشست کیوہ کہ پرفارمنس تننگ کیو۔

Get real time updates directly on you device, subscribe now.

Leave A Reply

Your email address will not be published.