ملک اٹ افراتفری تالان کروک آتا برخلاف کارروائی‘ پاک فوج نا عزم
Get real time updates directly on you device, subscribe now.
راولپنڈی: آرمی چیف جنرل سید عاصم منیر نا کماشی ٹی فارمیشن کمانڈر کانفرنس نا بشخندار آک 9 مئی یوم سیاہ نا واقعہ غاتا سخت مذمت کرسا دا اُست خواہی کرینے کہ ملک اٹ افراتفری تالان کروک آتا برخلاف کارروائی کننگک۔ وخت بسنے 9 مئی نا ڈٹ بندی و ماسٹر مائنڈ آتا برخلاف کانود نا رداٹ کارروائی کننگک۔ مخالف قوت آتا ناپاک دوبہ دار آتے بے سہب کننگ نا کسر اٹ ہچ ءُ اڑاند اس سلفنگ و خوشی ودی کروک آتا کوشست آتون سختی انگا دوتیٹی مون ایتنہ۔ آرمی چیف نا پاننگ ءِ کہ ناقابل تردید شاہدی تیان پد انسانی حق آتا خلاف ورزی نا پن آ چاپ مننگ بے فائدہ ءِ، کانود نافذ کروک آ ادارہ غاتیا بے بنداو دوبہ غاتا مسخت اُلس ءِ گمرا ہ و سلہہ بند فوج ءِ بدنام کروئی ءِ۔
(آن لائن)