کوئٹہ ٹی دیر انا ویل انا ایسری کن مسہ ڈیم انا فزیبلٹی رپورٹ جوڑ
محکمہ پی ایچ ای بابر کچھ ڈیم،برج عزیز خان ڈیم و ہلک ڈیم انا فیزیبیلٹی رپورٹ و پی سی 1 ءِ جوڑ کرینے
Get real time updates directly on you device, subscribe now.
کوئٹہ : وزیراعلیٰ بلوچستان میر عبدالقدوس بزنجو نا کماشی ٹی حکومت بلوچستان کوئٹہ ءِ مون تروک دیر انا کمتی نا ویل ءِ ایسر کننگ کن مسہ اہم ءُ ڈیم انا فیزیبلٹی رپورٹ تیار کرینے‘ محکمہ پی ایچ ای بابر کچھ ڈیم، برج عزیز خان ڈیم و ہلک ڈیم انا فیزیبلٹی رپورٹ و پی سی 1 ءِ جوڑ کرینے‘ صوبائی حکومت دا ڈیم تے بنجائی پی ایس ڈی پی ٹی شاغنگ کن بنجائی حکومت تون رابطہ کننگ نافیصلہ کرینے‘ بابر کچھ ڈیم انا خڑچ 73 ارب روپئی برج عزیز خان ڈیم انا خڑچ 48 ارب روپئی و ہلک ڈیم انا خڑچ 22ارب روپئی ءِ‘ بنجائی حکومت آن دا ڈٹ آتے بنجائی پی ایس ڈی پی2023-24 ٹی شاغنگ نا خواست کننگک۔ داکان بیدس وزیراعظم محمد شہباز شریف آ وزیراعلیٰ بلوچستان میر عبدالقدوس بزنجو چٹھی اس ہم راہی کرینے ہراٹی وزیراعلیٰ وزیراعظم آن 73 ارب روپئی نا خڑچ اٹ بابر کچھ ڈیم انا ڈٹ ءِ بنجائی پی ایس ڈی پی ٹی شاغنگ نا خواست کرینے۔ چٹھی ٹی پاننگانے کہ کوئٹہ نا دیرانا گرج آتے پورو کننگ کن بابر کچھ ڈیم انا تفنگ المی ءِ‘ صوبائی حکومت بابر کچھ ڈیم اتون اوار برج عزیز خان ڈیم و ہلک ڈیم ڈٹ آتا فیزیبلٹی ءِ ہم تیار کرینے۔ ڈیم تا تفنگ آن دیر انا گرج آتے پورو کننگ تون اوار نوکاپ نا دیر انا زیان و نوکاپ نا بھسکاری تیان بچنگ ہم مریک۔ بنجائی حکومت بابر کچھ ڈیم اتون اوار برج عزیز خان ڈیم و ہلک ڈیم انا تفنگ اٹ ہم کمک کے۔
(خ ن)