نواز شریف نا برخلاف ایف آئی آر تون حکومت یا وزیر اعظم نا ہچ ءُ کاریم اس اف، شبلی فراز

اسلام آباد (آن لائن) بنجائی وزیر حوالکاری و شینکاری شبلی فراز پارینے کہ دشمن پاکستان ءِ مستحکم خننگ خواپک، ہرا بیانیہ ءِ بیان کننگ انگ ءِ ہندا ہیت آتے ننا دشمن ہم کننگ اٹی ءِ، ننے اپوزیشن آن ہچ ءُ ویل اس اف، نن تینا کاریم ءِ کننگ اٹی اُن، نن ادارہ غاتے مستی دننگ اٹی اُن، انصاف عہدہ غاتے خنسا مفک و کس اس کہ اخس وار وزیراعظم جوڑ مسنے ہراتم او دوبہ اس کیک تو سزا کنیک۔ نواز شریف نا برخلاف ہچ ءُ ایف آئی آر آن حکومت یا وزیر اعظم نا ہچ ءُ کاریم اس اف، او نن کس اسے غداری نا سرٹیفکیٹ تسونن، نن جنگ ہموفتون ہرافک جندی مفاد کن ملک انا استحصال ءِ کریر، بغاوت نا ہرا مقدمہ غاک درج مسر حکومت نا داڑتون ہچ ءُ لینا دینا اس اف دادے ننا کھاتہ ٹی شاغنگپ، پِر تا سوب آن فصل آتے نسخان رسینگ و نہاد آتیٹی ودکی مس۔ پِر تیان پمبہ نا پیداوار ہم زہمی مس، پی آئی اے ٹی بھاز ویل ارے ولے کورونا نا دے تیٹی قومی ایئر لائن نا ریونیو 7.8 ارب روپئی ودا۔