سندھ اٹ 15 ستمبر آن تعلیمی ادارہ غاتے ملنگ نا شیڈول جاری

کراچی: سندھ حکومت انا وزارت تعلیم 15 ستمبر آن صوبہ ٹی تعلیمی ادارہ غاتے ملنگ نا پڑو کرینے 

سندھ انا وزیر تعلیم سعید غنی نا ترجمان نا رد اٹ 15 ستمبر آن نہ جماعت آن بڑز انا کل کلاس و کل یونیورسٹیک ملنگرہ۔ و غٹ تعلیمی ادارہ 15 غان 30 ستمبر نا نیام اٹ ملنگرہ۔

ترجمان پارے کہ 22 ستمبر آن 6 آن 8 جماعت اسکان نا کلاس آک بنا کیرہ۔ وخت اس کہ 30 ستمبر آ پری پرائمری و پرائمری کلاس آک ملنگرہ۔

ترجمان نا پاننگ ئس کہ اگہ اسہ علاقہ اسے ٹی کورونا ودا تو اوڑے اسکول آتے دوارہ بند کننگک۔ اسکول آتیٹی ماسک بیننگ المی مرو۔ ایس او پی تیا عمل کننگ کن سخت کارروائی کننگک۔