پِر آن مروک نسخان تے پورو کننگ کن گام گیج کننگ انگ ءِ‘ میر قدوس بزنجو

0

Get real time updates directly on you device, subscribe now.

کوئٹہ :  وزیراعلیٰ بلوچستان میر عبدالقدوس بزنجو پارینے کہ پِر آن مروک نسخان تے پورو کننگ کن گام گیج کننگ انگ ءِ‘ میٹروپولیٹن کارپوریشن نا کارکڑد گڑتی ناسوب ءِ‘ ایڈمنسٹریٹر نکاسی آب انا نظام نا گچینی کن گام گیج کے‘صوبہ نا الس ءِ ریلیف رسیفنگ کن کوشست کننگ اٹی ان‘ دا خیال آتا درشانی ءِ او جمعہ نا دے سریاب روڈ، سبزل روڈ و قمبرانی روڈ انا دورہ ناوخت آ میڈیا تون ہیت وگپ کرسا کرے۔ داوخت آ پشتونخوا میپ انا صوبائی اسمبلی نا باسک نصراللہ زیرے ہم اوڑتون تُد ئس۔ وزیراعلیٰ بلوچستان میر عبدالقدوس بزنجو پارے کہ ای شار انا ہرا علاقہ نا دورہ ءِ کیو کن کن ٹریفک ءِ توننگپ انتئے کہ داڑان الس فریشان مریک۔ وزیراعلیٰ مستی پارے کہ ایڈمنسٹریٹر میٹروپولیٹن کارپوریشن نا کارکڑد ءِ گچین کے انتئے کہ پِر انا دیر انا ہر ہند آسلنگ آن پیادہ چرینگوک آتے مشکل آک مون تروک ءُ۔ اوپارے کہ سریاب روڈ ڈٹ ءِ زوت پورو کننگے انتئے کہ داڑان الس ءِ فریشانیک مون تروک ءُ‘ او پارے کہ سریاب روڈ و سبزل روڈ انا جوڑ مننگ آن ٹریفک جام نا ویل ایسر مریک۔ وزیراعلیٰ بلوچستان اسہ سوج اسے نا ورندی ٹی پارے کہ ای مخلوق ءِ باور کرفوہ کہ مشکل نادا سات اٹ حکومت اوفتتون اوار ءِ ہرا ہرا علاقہ غاتے ٹی نسخانک مسنو اوفتے پورو کننگک۔ او پارے کہ کوئٹہ پیکیج نا رد اٹ غٹ ڈٹ آتے وخت آ پورو کننگے تاکہ الس نا مشکل آک کم مننگ کیر۔ الس وزیراعلیٰ تون تینا ویل خاص وڑ اٹ سریاب روڈ، قمبرانی روڈ و سبزل روڈ نا کاریم نا سستی نا غاو کرے تو وزیراعلیٰ پارت کریک ہ سبزل روڈ و سریاب روڈ انا ڈٹ ءِ زوت پورو کننگے۔

(آن لائن)

Get real time updates directly on you device, subscribe now.

Leave A Reply

Your email address will not be published.