یوم دفاع پاکستان غا کوئٹہ ٹی پاکستان رائزنگ ٹیلنٹ راؤنڈ ٹیبل کانفرنس
Get real time updates directly on you device, subscribe now.
کوئٹہ، بلوچستان سینٹر آف ایکسیلنس، حکومتِ بلوچستان نا کنڈ آن یومِ دفاعِ پاکستان نا وخت آ کوئٹہ ٹی ‘Resilient and Rising Pakistan’ نا سرحال آ راؤنڈ ٹیبل کانفرنس اڈ ہلک، ہراٹی جتا جتا تپہ غاتیان تعلقدار بندغ آک بشخ ہلکر۔ کانفرنس آن تران کرسا ایڈیشنل سیکورٹی سیکرٹری محکمہ داخلہ جمیل احمد بلوچ پارے کہ پاکستان نا حقی سوگوی بیرہ اونا دفاعی واکداری اٹی اف بلکن اسہ سوگو، خوانندہ‘ سیوتی و زموار راج اسے ٹی ءِ۔ چیف کوآرڈینیشن آفیسر ڈاکٹر دوست محمد دا ہیت آ زور شاغا کہ اسہ سوگو پاکستان کن ادارہ‘ ورنا چین و راج انا کل تپہ غاتے اسیجا مرسا تینا کڑد ءِ ادا کروئی تمک۔