گچین حکمت عملی نا سوب آن کورونا کیس آتیٹی کمتی بننگ ءِ، فضیل اصغر
Get real time updates directly on you device, subscribe now.
نصیرآباد (خ ن) چیف سیکرٹری بلوچستان کیپٹن (ر)فضیل اصغر نا نصیرآباد نا دورہ‘ مین بازار اٹ ایس اوپی تا جاچ ءِ ہلک‘ کمشنر نصیرآباد عابد سلیم قریشی، ڈپٹی کمشنر نصیرآباد حافظ محمد قاسم کاکڑ، ڈی آئی جی شہاب عظیم لہڑی، ڈپٹی ڈائریکٹر سوشل ویلفیئر سلیم خان کھوسہ وایلو افسر آک ہم ساڑی ئسر۔ داوخت آ انجمن تاجران نا صدر تاج بلوچ ناکماشی ٹی ڈل اوڑتون اوڑدہی کرے و علاقہ ءِ مون تروک ویل آتیان اودے معلومدار کرے۔ ڈل اٹ جنرل سیکرٹری لیاقت علی چکھڑا‘ سیٹھ تارا چند نائب صدر علی محمد بوہڑ فنانس سیکرٹری میڈیکل یونین نا صدر عارف مگسی‘ ہولسیل مارکیٹ یونین نا صدر میر جان مینگل‘ سیٹھ داسومل جیلانی مارکیٹ نا عبدالشکور بنگلزئی چارہ ڈپو یونین نا صدر عبدالحمید ابڑو اوار ئس۔ چیف سیکرٹری بلوچستان کیپٹن (ر)فضیل اصغر پوریاگر و میڈیا نا نمائندہ غاتتون ہیت وگپ کرسا پارے کہ نصیرآباد ڈویژن بلوچستان نا گرین بلیٹ ءِ‘ کشاری دیر ءِ انصاف اٹ بشخنگ و غیرکانودی دیر دزی کروک آتا برخلاف کمشنر نصیرآباد و ڈپٹی کمشنر نصیرآباد نا کارروائی ستا کڑزرہ‘ نن اومیت کینہ کہ او داکان پد ہم ہندا جوزہ اٹ حقدار آسکان دیر ءِ سر کننگ کن ہندا وڑ خذمت نا چرجوئی ءِ برجا تخرہ۔۔ کشاری دیر دزی کننگ ہم ڈوہ اسے‘ او پارے کہ لاک ڈاؤن اٹ پوریاگرک حکومت تون جوان کمک کریر‘ جوان حکمت عملی نا سوب آن اینو صوبہ ٹی کورونا وائرس نا پین کیسک پدریسہ کم مننگ اٹی ءُُ۔مہالو بلوچستان اٹ سَد اٹ چل درسَد ٹیسٹ پازیٹو بسرہ‘ داسہ 15درسد کیس رپورٹ مننگ اٹی ءُُ۔ او پارے کہ دکاندارک ایس او پی تیا پورو وڑ اٹ عملدآمد ءِ پک کیر۔