مستونگ‘سیف سٹی نا کیمرہ غاک خراب‘ کیہیک تا دزنگار
Get real time updates directly on you device, subscribe now.
کوئٹہ (آن لائن) ضلع مستونگ اٹ آئی جی نا پرمان آ سیف سٹی پروجیکٹ نارد اٹ خلنگوک کیمرہ غاک منہ تُو اٹ بیکار مسر وخت اس کہ کیہیک تا دزی مسر۔ سکیورٹی و کیمرہ غاتا چاروکی کروک آتے داسکان سما اف۔ حوالی نا رد اٹ ٹھیکیدار و انتظامیہ نا اواری اٹ لوکوالٹی و متکن ءُ کیمرہ خلنگاسس وخت اس کہ ایلو پیسہ غاک کرپشن نا گواچی مسر‘ کیمرہ غاتا دزی و بیکار مننگ ناسوب آن شار اٹ دزی نا واردات آک دوارہ ودار۔ حوال نا رد اٹ ضلع مستونگ اٹ سیف سٹی پروجیکٹ نا رد اٹ شار انا امن ءِ برجا تخنگ کن 40 لکھ آن زیات انا بازار اٹ چندی ہند آتیا 46 کیمرہ خلنگاسس ‘ ہرافتا بناءِ آئی جی پولیس محسن حسن بٹ کریسس‘ ٹھیکیدار و انتظامیہ نا بے پرواہی نا سوب آن کیمرہ غاتا لین تے بانس و درخت آتا نیام آن گدریفنگاسس ہرانا سوب آن کیمرہ غاتا گیشتری خراب و کیہیک تا دزی مسنو ہرانا سکیورتی کارندہ و کیمرہ غاتا چاروکی کروک آتے سما ہم تمتو۔