رمضان ریلیف پیکیج ءِ 20 مارچ آن بنا کننگ نا فیصلہ

اسلام آباد : حکومت رمضان ریلیف پیکیج نا 20 مارچ آن بنا کننگ نا فیصلہ کرینے‘ حوالی نا رد اٹ یوٹیلیٹی اسٹور تیا 19 گڑاغا 5 ارب روپئی نا پیکیج 2 تپّہ ٹی بشخنگک، بی آئی ایس پی صارف آتے اسہ ارب 15 کروڑ روپئی وخت اس کہ لس صارف آتے 3 ارب 84 کروڑ روپئی نا ریلیف رسینگک‘ غریب تپّہ ءِ سی آ 100 روپئی، نت آ 52 روپئی، بورہ غا 30 روپئی فی کلو سبسڈی رسینگک‘ حوالی نا رد اٹ 10 کلو نت انا تھیلی 400 روپئی، سی 300 روپئی و بورہ 70 روپئی فی کلو رسینگک‘ لس صارف آتے نت آ 27 روپئی، بورہ غا 11 و سی آ 25 روپئی فی کلو سبسڈی رسینگ‘ لس صارف آتے 10 کلو نت 648 روپئی، سی 490، بورہ 89 روپئی فی کلو رسینگک‘کل صارف آتے دال تیا 20 روپئی فی کلو سبسڈی رسینگک‘ کوکنگ آئل آ 25، بیسن، الار50، شربت آتیا 15 غان 30 درسَد ریلیف رسینگک۔ چاغا 100، پال/ آ 30 روپئی و مصالحہ غاتیا 10 درسَد رعایت ملک۔

(آن لائن)