پنجگور‘ انٹرنیٹ نا بند مننگ آن آن لائن کلاس آک زہمی

پنجگور: پنجگور انٹرنیٹ نا بندی آن سد آتا اسکول آتا تعلیم و آن لائن ایجوکیشن کلاس و مطالعاتی کاریمک بھاز زہمی مسنو۔ اسٹوڈنٹس اسکول آتا چکر ءِ خلسا پدی اُست ہسون ہنانو۔ اُرا بازار آتیٹی پی ٹی سی ایل نا ڈی ایس ایل ڈسکنٹ ءِ۔ نن کان تو کان ہرانگ۔ اسٹوڈنٹس و اوفتا لمہ باوہ کاروباری آ بندغ زہمی مسنو۔ او پارینے کہ اسہ کنڈآ ادارہ انٹرنیٹ ءِ بند کننگ نا جواز ودی کننگ اٹی ءِ ایلو کنڈآ سلہہ بند آ بندغ آک سسٹم ءِ چلیفنگ اٹی ءُ۔ دے تا نیام اٹ جتا جتا سلاہ آن نسخان پنجگور نا کاروبار حضرات و ایجوکیشن ءِ ہڑتوم آ کنڈآتیان رسینگ انگ ءُ۔ یات سلے پنجگور اٹ تدوک آ اسہ تو اس پورو مننگ اٹی ءِ۔ مسہ پی ٹی سی ایل ایکسچینج زہمی ءِ۔ داسکان کن بحال متنے۔ دا پوسکن آ دور اٹ بلوچستان نا کل آن بھلا آبادی و کاروبار آن حساب مروک آ ضلع پنجگورنا80 درسد اُلس ٓانٹرنیٹ آن زہمی ءِ۔ ہچ ءُ ادارہ اسے نا خف تیٹی ہچ ءُ ہیت اس بفک۔ سال اس مننگ ءِ کہ ادارہ غاک جتا جتا موبائل فون کمپنی تا ڈیٹا تھری جی فور جی ءِ بند کرینے و گدرینگوک آ تو فروری ٹی پنجگور ءِ پی ٹی سی تون گنڈوک آ ڈی ایس ایل انٹرنیٹ سگنل تروک آ ریپیٹر سنٹر ءِ تربت و پنجگور نا نیام اٹ نادرست بندغ اسے نا ہشنگ انگ نا پنجگور میونسپل کارپوریشن خدابادان چتکان نا مضافات دزناپ عیسء بونستان دازی وشبود گرمکان سراوان خدابادان تسپ ڈمب و کیہی چنکا بھلا یوسی میونسپل کمیٹیک انٹرنیٹ آن زہمی مسنے۔ حوال نا رداٹ دا وخت آ ہچ ءُ زموار اس سسٹم ءِ مرمت و بحالی کننگ نا زحمت اسکان اف۔ محکمہ پی ٹی سی ایل ءِ مچ آ پنجگور اٹ پوسکن آ سروے پوسکن آ کنکشن خلنگ کن 12 کروڑ روپئی رسینگانے ہراکہ پنجگور ءِ دوئی مسنے ولے ضلعی انتظامیہ و ادارہ نا اواری ٹی کاریم اٹ اتنگپسہ۔ ہرانا نسخان نا اثرک پنجگور نا تعلیم کاروبار آ اثر شاغنگ ءُ۔

(آن لائن)