بلوچستان یونیورسٹی خاران کیمپس نا ویل آتے ایسر کننگک، قادر بلوچ

خاران : مسکوہی گورنر ریٹائرڈ جنرل عبدالقادر بلوچ تون یونیورسٹی آف بلوچستان سب کیمپس خاران نا ڈائریکٹر عقیل احمد بلوچ ڈل اتون اوار اونا اُرا ٹی اوڑدہی کرے۔ ڈل اٹ اسسٹنٹ ڈاریکٹر ایگزامیشن تنویر صالح بلوچ اسسٹنٹ ڈاریکٹر ایڈمن ریاض احمد نوتانی لیکچرار اکرام اللہ ہوتکانی امانت حسرت ہم اوار ئس۔ او وخت آ عقیل احمد بلوچ خاران اٹ تعلیمی نظام نا جوانی و یونیورسٹی آف بلوچستان سب کیمپس خاران نا ویل آتا بابت جوان معلومدار کرے۔ جنرل عبدالقادر بلوچ ڈل اتون ہیت وگپ کرسا سب کیمپس نا ویل آتے ایسر کننگ و اوفتے رخشاں یونیورسٹی نا درجہ تننگ کن ہر وڑ نا گام گیج کننگ نا پارت کرے۔ ریٹائرڈ جنرل عبدالقادر بلوچ پارینے کہ ساڑی صدی علم و شعور نا شونداری نا ءِ۔ مہزب دنیا نا مقابلہ کننگ کن ننے تینا ورنا تے تعلیم نا سلہہ ارے اوفتتون۔ تعلیم کن اتحاد، ڈسپلن، ایمانداری نا گرج مریک۔ اوڑا عمل کرسا کوالٹی آف ایجوکیشن ءِ جوانی رسینگک۔

(آن لائن)