پیپلز پارٹی السی ویل آتیان پہہ اولیکو جماعت ءِ، سردار عمر گورگیج
کوئٹہ : پاکستان پیپلزپارٹی نا بنجائی راہشون مسکوہی بنجائی وزیر سردار محمد عمر گورگیج پارینے کہ پیپلزپارٹی ہمو اسٹ انگا سیاسی جماعت ءِ ہرا ارغ پُچ و مکان نا نعرہ غا روان ءِ و ملک ءِ کاختی آن کشنگ کن پیپلزپارٹی جوان کڑد ادا کننگ اٹی ءِ۔ دا خیال آتا درشانی ءِ او گورگیج ہاوس خاران اٹ پریس کلب نا صدر سعید احمد ملنگزئی نا کماشی ٹی صحافی تا ڈل اتون اوڑدہی ٹی کرے او وخت آ پریس کلب نا مسکوہی صدر سینرصحافی محمد عیسی محمدحسنی تون اوار پیپلزپارٹی نا ضلعی صدر میر عبدالحمید ڈومکی جنرل سیکرٹری محمد اختر بلوچ سیکرٹری اطلاعات محمد انور سینئر رہنما شاہ غاصی منصور احمد سفرزئی ہم ساڑی ئس۔ سردار محمد عمر گورگیج پارینے کہ پیپلزپارٹی نا دور حکومت اٹ چاغی نوشکے ٹی بے کچ شونداری کاریم مسنے۔ خاص کر بے روزگار ورنا تے روزگار فراوان کرے۔ او پارینے کہ رخشان ڈویژن آ جتا جتا ضلع غاتا بندغ آک پیپلزپارٹی نا مخ تف ءُ۔ و چیئرمین بلاول بھٹو زرداری و آصف علی زرداری نا کماشی آ پیپلزپارٹی ءِ سپورٹ کرسا ءُ۔ انتئے کہ شہید ذوالفقار علی بھٹو و شہید رانی گودی بے نظیر بھٹو پاکستان نا ایلو صوبہ غاتون اوار بلوچستان نا اُلس تون پیار کریرہ۔ پیپلزپارٹی نا دور حکومت اٹ بلوچستان نا پد تمننگ نا ایسری کن ہر وخت خواہندار ئس۔ اینو ہم دا برجا ءِ۔ و بروک آ وخت آ پیپلزپارٹی نا ءِ۔ و انشااللہ پیپلزپارٹی پارٹی مچ آ ملک اٹ کلین سویپ کیک۔
(آن لائن)