حکومت نا پرمان آ بندی تا آسراتی تے پک کننگ انگ ءِ، سعید عمرانی

ژوب : کمشنر ژوب ڈویژن سعید احمد عمرانی ڈسٹرکٹ جیل نا دورہ ءِ کرے۔ کمشنر ژوب ڈویژن تون اوار ایس پی ژوب خلیل الرحمن، ڈی ایچ او ژوب مظفر شاہ، شوشل ویلفیئر آفیسر ژوب جناب ملک احسان الحق، بلدیہ چیرمین سردار ناصر خان ناصر، اسیسٹنٹ کمشنر ژوب حافظ محمد طارق ہم ساڑی ئس۔ جیل پولیس نا دستہ کمشنر ژوب ءِ گارڈ آف انر تسر۔ کمشنر ژوب جیل انا جتا جتا بشخ آتا دورہ ءِ کرے۔ ہراڑے او بندی تے دوئی آ آسراتی و انتظام تا جاچ ءِ ہلک۔ مستی او پارینے کہ دالان و بندی تا جتا جتا بیرک آتا دورہ کرسا آسراتی تے چیک کرے۔ کمشنر ژوب ڈویژن انتظام آتا جاچ ءِ ہلسا بندی تے فراوان کروک آ آسراتی تا بارواٹ معلومدار کرے۔ کمشنر ژوب ڈویژن بندی تیا ٹھیکی ہم بشخ و پانٹ کرے۔ اوفک جیل اٹ کننگ نا گڑاتا کوالٹی نا جاچ ءِ ہلک۔ او وخت آ اوفتا پاننگ ئس کہ حکومت بلوچستان نا پارت آتیا بندی تے کل المی آ گڑاتے فراوان کننگے۔ او جیل اٹ انتظام آتا بارواٹ اُست خواہی نا درشانی ءِ کرے۔ کمشنر ژوب ڈویژن اوڑدہی کروک آتے فراوان کننگا۔

(آن لائن)