الس نا خذمت پیپلز پارٹی نا اولیت آتیٹی اوار ءِ،حاجی علی مدد جتک

کوئٹہ، پاکستان پیپلز پارٹی نا راہشون و صوبائی وزیر حاجی علی مدد جتک پارینے کہ الس نا خذمت پیپلز پارٹی نا اولیت ءِ، الس نا ویل آتے ایسر کننگ کن کل دوئی وسیلہ غاتے کاریم اٹ اتنگ انگ ءِ۔ الس غاو دیوان تے ٹی ہرا ویل آتا پیدواری ءِ کرینے اوفتے ایسر کننگ کن تعلقدار محکمہ غاتا افسر آتے پارت کننگانے۔ دا ہیت ءِ او جمعہ نادے آ تینا ہنکین جتک ہاؤس آصف آباد اٹ غاو دیوان نا وخت آ الس تون ہیت وگپ کرسا کرے۔ غاو دیوان اٹی علاقہ نا الس بھلو کچ اسے ٹی بشخ ہلک و تینا ویل و مشکل آتیان معلومدار کرے۔ حاجی علی مدد جتک الس نا غاو ویل آتے بھاز سکوت اٹ خف تورے و تعلقدار کمامدارآتے ویل آتا دمدستی ایسری کن المی پارت کرے۔ او پارے کہ السی خذمت اونا اولیت ءِ و مخلوق ءِ مون تروک ویل آتا ایسری کن کل دوئی وسیلہ غاتے کاریم اٹ اتنگ انگ ءِ۔ او پارے کہ الس تون دراست حوال و اوفتا ویل آتے اوفتا درگہ غا بِننگ حقی السی نمائندگی ءِ۔ السی ویل آتا ایسری ٹی ڈیوالئی یا رے تے ءِ سگنگ مفک۔ دا وخت آ شاریک حاجی علی مدد جتک نا کنڈآن غاو دیوان اڈ تننگ و السی ویل آتے خف توننگ نا گام انا ستاءِ کرسا پاریر کہ دا وڑ انا گام گیج آتیان الس و گچین مروک نمائندہ غاتا نیام اٹ حوال پین سوگو مریک۔ حاجی علی مدد جتک پارے کہ پاکستان پیپلز پارٹی نیزگار و نیامی تپہ نا جماعت ءِ ہرا مدام الس ناویل آتے ایسر کننگ نا کوشست کرینے۔ او پارے کہ ساڑی سیوتی صوبائی حکومت مخلوق ءِ بنداوی آسراتی تا فراوانی و اوفتا ویل آتے ایسر کننگ کن وس انا کچ آ گام گیج کننگ ءِ، غاو دیوان اٹی مخلوق ہرا ویل آتا پیدواری ءِ کرینو اوفتا ایسری کن تعلقدار محکمہ غاتا افسر آتے پارت جاری کننگانے، مخلوق نا ویل آتا ایسری ٹی ہچ ءُ ڈیوالئی اسے سگنگ مفک۔