ننے کوزہ مافیا و بھتہ خور آتیان خلاسی تننگے‘ میر احمد چلتن وال
Get real time updates directly on you device, subscribe now.
کوئٹہ: ضلع پنجگور نا باتی نواب میر احمد چلتن وال پارینے کہ ننا باوہ پیرہ ئی آ ڈغار تیا بلوچستان اسمبلی نا اسہ باسک میجر رسالدار و ڈپٹی کمشنر پنجگور نا اواری ٹی کوزہ کننگ نا کوشست کننگ اٹی ءُ۔ کمانڈر 12کور، گورنر بلو چستان، وزیر اعلیٰ بلو چستان، چیف سیکر ٹری بلوچستان آن خواست ءِ کہ ننے کوزہ مافیا و بھتہ خور آتیان خلاسی تننگے۔ دا ہیت ءِ او تدوک آ دے میر وسیم سمالانی، حاجی عبد الحق سمالانی تون اوار کوئٹہ پریس کلب اٹ پریس کانفرنس کرسا کریر۔ او پارینے کہ نن ضلع پنجگور اٹ سبز آپ انا باتی اُن اوڑے ننا باوہ پیرہ ئی آ ڈغارک ءُ، ہرافتیا بلوچستان اسمبلی نا اسہ باسک اس میجر رسالدار و ڈپٹی کمشنر پنجگور نا اواری ٹی کوزہ کننگ نا کوشست کننگ اٹی ءُ۔
(آن لائن)