چیف جسٹس و جج آتا بنداوی تنخواہ تیٹی 20 درسد ودکی
Get real time updates directly on you device, subscribe now.
اسلام آباد : بنجائی حکومت سپریم کورٹ نا چیف جسٹس و جج آتا بنداوی تنخواہ تے ٹی 20درسَد ودکی کرے‘ سپریم کورٹ نا چیف جسٹس نا بنداوی تنخواہ ٹی 2 لکھ 4 ہزار 865 روپئی ودکی کننگا وخت اس کہ سپریم کورٹ نا ایلوجج آتا بنداوی تنخواہ تے ٹی1 لکھ 93 ہزار 527 روپئی ودکی کننگا‘ حوالی نا رد اٹ چیف جسٹس آف پاکستان داکان مست 10 لکھ 24 ہزار 324 روپئی تنخواہ ہلککہ‘ سپریم کورٹ نا جج آک داکان مست 9 لکھ 67 ہزار 636 روپئی تنخواہ ہلکرہ‘ دا بابت سپریم کورٹ ججز سیلری آرڈر 2022 ءِ صدر منسوخ کرینے‘ چیف جسٹس داکان مست کل آسراتی تتون اوار تُو انا پانزدہ لکھ روپئی تنخواہ ہلککہ‘ سپریم کورٹ ناجج آتا تُو انا رننگ تنخواہ کل آسراتی تتون اوار 14 لکھ آن زیات ئس‘ بنجائی سیکرٹری کانود راجہ نعیم نا رد اٹ جج آتا تنخواہ تے ٹی ہچ ءُ کمتی اس کننگ تنے، چیف جسٹس تون اوار سپریم کورٹ نا جج آتا بنداوی تنخواہ تے ٹی 20درسَد ودکی کننگانے۔
(آن لائن)