کوئٹہ، نادرست موٹرسائیکل سوار آتا ہندی ہوٹل آ سم کاری، اسہ زالبول اس زوال

کوئٹہ: کوئٹہ نا علاقہ ہزارگنجی ٹی نادرست موٹرسائیکل سُوار آتا ہندی ہوٹل آ سم کاری نا سوب آن اسہ زالبول اس زوال وخت اس کہ 4 بندغ ٹھپی مسنو۔ پولیس نا رداٹ دوشنبے نادے آ کوئٹہ نا علاقہ ہزارگنجی ٹی نادرست سلہہ بند بندغ آک اسہ ہوٹل اسے آ سم کاری کریر ہراٹی نازیہ، دلیل خان، شفیقہ، نادیہ، شمکینہ، شبنم، گل محمد ٹھپی مسر، پولیس سیکورٹی فورس و ایدھی ایمبولینس ءِ حوال ملنگ تون واقعہ نا جاگہ غا سرمرسا ٹھپی تے دمدستی وڑاٹ سول ہسپتال آ گدریفیر ہراڑیاوفتے طبی امداد تننگ انگ ءِ وخت اس کہ ٹھپی زالبول شبنم ٹھپ آتا وس ءِ اتپرسا دنیا ءِ اِلا۔ پولیس و سیکورٹی فورس آک علاقہ نا ناکہ بندی ءِ کرسا دوبہ دار آتا پٹنگ نا بناءِ کرینو۔

(اے پی پی)