وزیراعلیٰ بلوچستان جام کمال خان تون وزیراعظم نا خصوصی حوالکاری کمکار و چئیرمین سی پیک کمیٹی لیفٹینٹ جنرل (ر) عاصم سلیم باجوہ نا اوڑدہی

اسلا م آباد : وزیراعلیٰ بلوچستان جام کمال خان تون وزیراعظم نا خصوصی حوالکاری کمکار و چئیرمین سی پیک کمیٹی لیفٹینٹ جنرل (ر) عاصم سلیم باجوہ اوڑدہی کرے، اوڑدہی ٹی بلوچستان نا شونداری باندات، کورونا وائرس نا حالیت تون اوار تین پہ تینی است خواہی نا ایلو سرحال آتیا ہیت و گپ کننگا۔ دا وخت آ وزیراعلیٰ پارے کہ بلوچستان نا شونداری کن غٹ وسیلہ غاتے کاریم اٹ اتنگ انگ ءِ۔ دا رد اٹ بنجائی حکومت نا کمک ہم المی ءِ۔ وزیراعظم عمران خان تون بھاز فاہدہ ئی ءُ اوڑدہی اس مسنے، او بلوچستان نا شونداری نا بابت پبی کمک نا باور کرفینے۔ وزیراعلیٰ پارینے کہ پوسکن زرکاری و بنداوی پنجر نا تفنگ آن بلوچستان شونداری نا کسر آ راہی روان مریک۔ عاصم سلیم باجوہ پارے کہ او بنجائی پی ایس ڈی پی ٹی بلوچستان ءِ اولیت تننگ نا مخ تفی ءِ کیک۔ بلوچستان ملک انا غٹ آن بھلا و جغرافیائی و معدنی وسیلہ غاتا رد اٹ اہم انگا صوبہ ءِ۔ ای بلوچستان اٹی کاریم کرینٹ، کنے اوڑتون خصوصی ءُ خڑکی اس ارے۔ و ای صوبہ نا شونداری نا گرج آتیان بلد اُٹ۔ او پارے کہ قومی میڈیا ٹی بلوچستان نا کوریج اٹ ودکی کن کڑد ادا کینہ۔ اوڑدہی ٹی بلوچستان اٹی امن ایمنی نا حالیت آ است جمی نا درشانی کننگا۔

(خ ن)