نصیرآباد‘ بلدیاتی گچین کاری یو سی 2، 7 نا چیئرمینک بیدس مقابلہ آن سرسہب
Get real time updates directly on you device, subscribe now.
نصیر آباد : بلدیاتی گچین کاری تا مرحلہ ٹی یونین کونسل 2 و یونین کونسل 7 انا چیئرمین نا بیدس مقابلہ سرسہب مس۔ گچین کاری کاریم نا مرحلہ ریٹرننگ آفیسر و اسسٹنٹ کمشنر چھتر خادم حسین کھوسہ نا کماشی ٹی اڈ ہلک۔ خادم حسین کھوسہ نا رداٹ نصیرآباد نا تحصیل چھتر کرے۔ یونین کونسل 2 آن چیئرمین لیاقت علی شاہ کہیری وائس چیئرمین گل حسن کورار وخت اس کہ یونین کونسل 7 آن چیئرمین میر سردار خان شر وائس چیئرمین زاہد حسین شر گچین مس۔ یات سلے کہ ہڑتوم آ یونین کونسل آتیان چیئرمین و وائس چیئرمین بیدس مقابلہ سرسہب مس۔ اونا مقابلہ ٹی ہچ ءُ اومیت دار اس بشخ ہلتو۔ ریٹرننگ آفیسر خادم حسین کھوسہ گچین مروک آ چیئرمین و وائس چیئرمین آتیان سوغند ہم ہلک۔
(خ ن)