نوشکے‘ گڑانگ پول ءِ آخبتی جوڑ کننگے‘ منصور مینگل

نوشکے : بلوچستان نیشنل پارٹی نا ضلعی راہشون و یوسی ڈاک انا وائس چیئرمین منصور مینگل تینا بیان اسے ٹی پارینے کہ گڑانگ پل ءِ جوڑ کننگے۔ دا ارٹمیکو وار ءِ کہ گڑانگ پول آن ڈغار رابطہ کاٹ کننگ انگ ءِ۔ گڑانگ پل داسہ خیصار پول انا وڑ اٹ جوڑ مسنے۔ ہرادے وار وار آ عارضی وڑ اٹ جوڑ کننگک۔ ہراتم نوکاپ نا دیر بریک تو پول انا کسر کچا مننگ نا سوب آن اودے دیر دیک۔ ہراڑان اُلس نا کسر بند مننگ آن کیہی ویل آک مون آ بریرہ۔ قادر آباد ٹو زارو چاہ روڈ اکن کروڑ آ روپئی تا فنڈ منظور مسنو۔ ولے کاریم ءِ ہر وخت نیمہ غا ہلنگک۔ ڈپٹی کمشنر خرم خالد تینا پارت آ گڑانگ نا کسر ءِ عارضی وڑ اٹ بحال کرینے۔ ولے دادے پک بنداو آ کننگتنے۔

(آن لائن)