۔20ارب روپئی ٹی 25ہزار پوسکن اسامی تخلیق کننگ مریک، جام کمال

0

Get real time updates directly on you device, subscribe now.

کوئٹہ: وزیراعلیٰ بلوچستان جام کمال خان پارینے کہ نئے کنا ضد اسے، نئے مَر۔ 20ارب روپئی ٹی 25ہزار پوسکن اسامی تخلیق کننگ مریک، مڈل کلاس تپہ ءِ نئے پنشن،جانجوڑی، اُرا الاؤنس اف، دا تپہ تون سرکاری اُرا، گاڈی و پین ہچ ءُ آسراتی ہم اف، 25 درسَد انت کہ کنا وس اٹ مروسس تو سد درسد تنخواہ تیٹی ودکی کریٹہ، اگہ صوبہ ءِ شونداری تروئی ءِ تو سخت ءُ گام ہرفوئی تمک، دا ہیت آتا درشانی ءِ او راجی رابطہ نا ویب سائٹ ٹویٹر آ تینا کلہو اٹی کرے۔ وزیراعلیٰ بلوچستان سوج کرے کہ نم دا ہیت اتون امن کیرے آخا کہ 20ارب روپئی ٹی بے روزگار آتے کن اخس پوسکن ءُ اسامی تخلیق مننگ کیک، ہچ مف بیست و پنچ ہزار اسامی تخلیق مننگ کیرہ۔ اگہ نن تنخواہ و الانس آتیٹی ودکی کرسا ہنان تو گڑا نن پوسکن ءُ ملازمت تننگ یا ودی کننگ نا پڑو کننگ کپنہ۔ داسہ فیصلہ مخلوق آٹے۔ ایس او پی تا بابت او پارے کہ ای کوشست کیوہ کہ ایس او پی تیا عملدرآمد مرے۔ مڈل کلاس سرکاری اف، بلکن او ہمو تپہ ءِ ہرا پرائیویٹ کٹیا کیک، اوڑتون نئے پنشن ارے، نئے جانجوڑی و ہاؤس الاؤونس، نئے سرکاری اُرا، و گاڈی۔ بلوچستان اٹی اگہ مالی حالیت آک خراب مسر تو اونا کل آن اولیکو زہمی سرکاری ملازم مریک۔ و ولدا ایلوفک اونا مون اٹ بریرہ۔ او پارے کہ بلوچستان نا مچ آ کٹیا سی ارب روپئی اف، دا فیصلہ غاک اسہ وار اتون مفسہ۔ دا وڑ کرسا 15، 20ارب روپئی نا باریم ہرفوئی تمک۔ او پارے کہ 25 درسَد ہچ اس ہم اف، کنا وس اٹ مرے تو 100 درسَد ودفو۔ ولے مالی حالیت آک دن افس۔ اگہ صوبہ ٹی شونداری بریک تو ریونیو، تنخواہ و اسامیک ودرہ۔ ولے اگہ شونداری کن پیسہ مف تو گڑا کل گڑاک سلرہ۔ ہر شش تُو آ تنخواہ تیٹی ودکی مرسا کرینے و دا چرجوئی برجا سلیس تو ساڑی حکومت یا بروک آ حکومت ءِ تنخواہ تننگ کن وام ہلوئی تمک۔ ہیت بیرہ تنخواہ تا اف، بلکن پنشن، الاؤنس و ایلو گڑاک ہم اوار اریر، نئے کنا ضد اسے و نئے مَر اسے۔ او پارے کہ سیکرٹریٹ اسٹاف کن جتا ءُ کانود اسے، و ایلو بلوچستان کن جتا۔ دا بیرہ بیست و پنچ درسَد ودکی نا ہیت اس، داٹی پین کیہی گڑاک اودیم ءُ۔

(آن لائن)

Get real time updates directly on you device, subscribe now.

Leave A Reply

Your email address will not be published.