پوپ فرانسس نا سویڈن اٹی قرآن پاک نا بے شرفی نا مذمت
Get real time updates directly on you device, subscribe now.
اسٹاک ہوم : پوپ فرانسس سویڈن اٹ قرآن پاک نا بے حرمتی آ غصہ درشان کرسا دا عمل نا مذمت ءِ کرینے و آجو سلاہ درشانی کن دانا موکل تننگ نا گام ءِ مسترد کرے۔ پوپ فرانسس نا دا وڑ انا بیان تدوک آ ہفتہ سویڈن نا دارالحکومت اسٹاک ہوم اٹ بھلا عئید آ مسلمان کمیونٹی نا مون آ قرآن پاک نا بے حرمتی کننگ نا عمل آن پد بسنے‘ درملکی خبررساں ادارہ نا رد اٹ سویڈن اٹ پیش بروک دا عمل نا برخلاف چندی ملک ترکیہ تون اوار دانا مذمت ءِ کرینے ہراکہ سویڈن نا نیٹو فوجی سیوت اٹ اوار مننگ نا گرج انا مخ تفیءِ کرسا بسنے۔ پوپ فرانسس پارے کہ ای دا گام آ غصہ ٹی اٹ‘ آجو سلاہ درشانی ءِ ایلوفتیان خر کننگ و مذمت کڑزوک گام تیکن بایدے موکل تننگپ۔ ایلو کنڈآ سویڈن پولیس زوت آتیٹ قرآن مخالف برانز تیکن بروک چندی درخواست آتے مسترد کرینے ولے عدالت آک دا پارسا فیصلہ غاتے مسترد کریر کہ دا آجو سلاہ درشانی نا خلاف ورزی ءِ۔ یات سلے کہ سعودی عرب مہالو آن دا عمل نا بھاز مذمت ءِ کرینے۔
(آن لائن)