تینا ڈغار ءِ ایلوفتا برخلاف کاریم اٹ اتنگ نا موکل تفننگ آ سلوک اُن، امیر خان متقی
Get real time updates directly on you device, subscribe now.
کابل : اوغان وزیر خارجہ امیر خان متقی امریکہ غان عبوری اوغان حکومت تون جوان وڑ اٹ رابطہ نا خواست کرسا پارینے کہ امارت اسلامیہ اوغان ڈغار ءِ ایلوفتا برخلاف کاریم اٹ اتنگ نا موکل تفننگ نا عہد انا سلوک ءِ‘ درملکی خبررساں ادارہ ءِ تروک انٹرویو ٹی اوغانستان اٹ القاعدہ نا بارو اٹ امریکی صدر جو بائیڈن نا ریمارکس نا حوالہ ءِ ترسا امیر خان متقی پارے کہ بائیڈن نا بیان نامطلب دادے کہ راستکی تے پہہ مننگ‘اوپارے کہ امریکی صدر نا ریمارکس کہ اوغانستان اٹ ہچ ءُ سلہہ بند ٹولی اس ساڑی اف‘ دا ہیت ءِ پاش کیک کہ راستکی تے پہہ مسنو و دا اقوام متحدہ نا داسہ نا رپورٹ نا تردید ءِ کیک‘داکان مست امریکی صدر جو بائیڈن ’اوغانستان آن پیش تمنگ نا ردینک آتا بارو اٹ اسہ سوج اسے نا ورندی ٹی پاریسس کہ یات ءِ ای اوغانستان نا بارو اٹ انت پاریسٹ؟ ای پاریٹ القاعدہ ہموڑے مفک۔ ای پاریٹ ننے طالبان تیان کمک رسینگک‘ داسہ انت مننگ اٹی ءِ؟ انت مننگ اٹی ءِ؟
(آن لائن)