چمن جیل آن بندی تا نرنگ نا وخت آ کارندہ غاتا غیرحاضر مننگ نا حوال

کوئٹہ : بلوچستان نا چمن جیل آن بندی تا نرنگ نا بنائی جاست پاستی رپورٹ اٹ سکیورٹی نا بھلو نزوری تا پت پاش مسنے وخت اس کہ پنچ شنبے نادے نروک 17 بندی تا رکھ آ بیرہ مسہ کارندہ سلوک ئسر‘ میڈیا رپورٹ نا رد اٹ جیل آن نرنگ نا چار دے آن پد ہم فورس آک اوفتیان سینزدہ بندی ءِ دوارہ دزگیر کننگ اٹ سرسہب متنو‘ کمامدار آتا رد اٹ گمانی وڑ اٹ بھلا ڈوہ تا زموار 17بندی ءِ ہندا جیل اٹ بند کننگاسس‘ دوبہ دار آتے ہراتم سہب انا نماز کن اوفتا سیل آن اتنگا تو او سلہہ غاتے پلسا جیلر و سیکیورٹی کارندہ غاتے ٹھپی کرسا نرار۔

(آن لائن)