نواز شریف نا برخلاف فیصلہ تروک آ جج ارشد ملک ءِ اینک کننگا
Get real time updates directly on you device, subscribe now.
لاہور (آن لائن) مسکوہی وزیراعظم نواز شریف نا برخلاف فیصلہ تروک آ احتساب عدالت نا جج ارشد ملک ءِ برطرف کننگانے۔ مسکوہی جج ارشد ملک نا برطرفی نا فیصلہ چیف جسٹس لاہور ہائیکورٹ محمد قاسم خان نا کماشی ٹی مروک آ لاہور ہائیکورٹ نا انتظامی کمیٹی نا دیوان اٹ کننگا۔ ہراٹی لاہور ہائیکورٹ نا انتظامی کمیٹی تون سینئر جج آک ہم بشخ ہلکر او کمیٹی احتساب عدالت نا مسکوہی جج ارشد ملک نا برطرفی نا منظوری تس۔ دیوان اٹ جسٹس ملک شہزاد احمد خان، جسٹس شجاعت علی خان، جسٹس عائشہ اے ملک، جسٹس شاہد وحید و جسٹس علی باقر نجفی، جسٹس محمد امیر بھٹی اسک بشخ ہلکر۔ ارشد ملک احتساب عدالت لاہور ٹی بطور جج تعینات ئس۔ او ایف آئی اے سائبر کرائم ءِ مسلم لیگ (ن) نا مخ تف آتا کنڈآن بلیک میل کننگ نا بابت درخواست تسوسُس ہراٹی پاریسُس کہ اونا اسہ غیر اخلاقی ءُ ویڈیو سے نا سوب آن اوڑا مسکوہی وزیراعظم میاں نوازشریف نا سزا نا بابت سودے بازی کن دباﺅ شاغنگا۔