40 ہزار 781 پاکستان حاجی سعودی عرب ءِ سر مسر

اسلام آباد : ترجمان وزارت مذہبی امور نا پاننگ ءِ کہ 158 پرواز آتا کمک اٹ 40 ہزار 781پاکستانی حاجی سعودی عرب ءِ سر مسنے۔ مدینہ منورہ ٹی سرکاری سکیم نا 27 ہزار 686 پاکستانی عازمینِ حج ساڑی ءُ۔ ترجمان مذہبی امور بیان اٹ پارینے کہ 13 ہزار 95 سرکاری حاجیک مدینہ منورہ ٹی 8 دے ئی رہنگ انگ آن پد مکہ مکرمہ آ سر کننگانو۔ 18 حج گروپ آپریٹر آتون 1 ہزار آن زیات پرائیویٹ سکیم نا حاجیک ہم سعودی عرب سر مسر۔ وزارت نا مانیٹرنگ ٹیم 12 حج گروپ آرگنائزر آتا فیلڈ اسسمنٹ پورو کرے۔ ترجمان نا پاننگ ءِ کہ حاجی تے آسراتی تا فراوانی کن کمک و طبی کمامدار آتا 522 ملازم سعودی عرب ساڑی ءُ۔ مکہ مکرمہ ٹی 334، مدینہ ٹی 172 و جدہ ایئرپورٹ آ 19 افسر و کمامدار آک ءُ تعینات ءُ۔ بنجائی وزیر مذہبی امور سینیٹر طلحہ محمود نا پارت آ حاجی تا رہنگوک آ جاگہ غاتا ماس آ قربانی کوپن نا دوئی مننگ نا انتظام ءِ کننگ انگ ءِ۔ حاجی تا راہشون و غاو تا پوروی کن سعودی عرب اٹ ہیلپ لائن اس جوڑ کننگانے۔ حوال نا رداٹ حاجی تا راہشون و غاو تا پوروی کن سعودی عرب اٹ ہیلپ لائن اس جوڑ کننگانے۔

(آن لائن)