ملک اٹی پیٹرول نا نہاد آتے پین ودفوئی تمک، عمران خان

وزیراعظم عمران خان ریلیف پیکج نا بابت قوم آن تران اٹی پٹرول نا نہاد آتے پین ودفنگ نا پڑو کرے۔

پیٹرولیم مصنوعات نا نہاد آتا بابت عمران خان نا پاننگ ئس کہ 3 ، 4 تُو اٹی تیل انا نہاد آک سد درسد ودانو۔ ولے ننا ملک اٹی بیرہ 33 درسد ودفنگانو۔  بھارت اٹی تیل انا نہاد 250 روپئی، بنگلا دیش اٹی 200  روپئی و پاکستان اٹی 138 روپئی ءِ۔ ولدا پاننگ خواوہ کہ ملک اٹی پٹرول نا نہاد آتے پین ہم ودفوئی تمک۔

او گیس انا نہاد آتا بابت پارے کہ امریکہ ٹی قدرتی گیس انا نہاد اٹی 116 فیصد، یورپ اٹی 300 درسد وخت اس کہ پاکستان اٹی اُرا تے تننگوک گیس انا نہاد اٹ ہچ ءُ ودکی اس متنے۔ کل گڑاک ملک اٹ ودی مریر تو نہاد آک ودپسہ۔ دا کبینی پیشن آن بننگ ءِ۔