کشاری گڑاتا جہانی منڈی تسکان رسینگ اٹی ودکی حکومت نا اولیت ءِ‘وزیراعظم

اسلام آباد، وزیراعظم محمد شہباز شریف پارینے کہ پاکستانی زرعی اجناس کن جہانی منڈی تسکان رسینگ اٹی ودکی حکومت نا اولیت ءِ، پدریسہ خواری آن برآمدات آتیا تالان زرگزرانی شونداری نا ہدف نا کنڈ آہننگ نا سفر ءِ برجاء تخنہ، ملائیشیا کن پاکستانی برنج نا ودکی برآمدات آتا دوئی کننگ آ تعلقدار ٹیم نا کوشست آتا ستا ءِ کینہ۔ جمعہ نادے آ وزیراعظم آفس نا میڈیا ونگ آن جاری پریس ریلیز نا رداٹ وزیراعظم نا کنڈآن پاکستانی برنج نا ودکی برآمدات آتا دوئی کننگ آ تعلقدار ٹیم نا کوشست آتا ستا ءِ کرسا پاننگانے کہ نائب وزیراعظم و وزیر خارجہ سینیٹر محمد اسحاق ڈار، وزیر قومی غذائی رکھ، وزیر واپار، سیکرٹری واپارو سیکرٹری قومی غذائی رکھ انا کوشست آک ستاکڑزنگ نا قابل ءُ، 70 ہزار میٹرک ٹن ودکی پاکستانی برنج نا برآمد، بزغرآتا شونہالی و ملکی زرگزران کن اسہ اہم پیش رفت اسے۔ وزیراعظم پارے کہ پاکستانی زرعی اجناس کن جہانی منڈی تسکان رسینگ اٹی ودکی حکومت نا اولیتءِ، پدریسہ خواری آن برآمدات آتیاتالان زرگزرانی شونداری نا ہدف نا کنڈ آہننگ نا سفر ءِ برجاء تخنہ۔ یات سلے کہ اکتوبر آن دسمبر 2026 نا وخت اٹی ملائیشیا کن پاکستانی برنج نا برآمدات آتیٹی پین 70 ہزار میٹرک ٹن نا ودکی کننگانے۔ پاکستانی برنج نا ودکی 70 ہزار میٹرک ٹن برآمدات آتا دوئی کننگ وزیراعظم نا پارت آتیا گچین سفارتی و واپاری کوشست آتا بھرم ءِ۔ تعلقدار وزارت و کمامدارآک وزیراعظم نا پارت آتا رداٹ ملائیشیا تون پاکستانی برنج نا ودکی برآمدات آتا باندات ءِ گچین وڑ اٹ مون آ دریر۔