پاکستانی تے پدی اتنگ نا آپریشن یک و نیم ہفتہ ٹی پورو کننگک، ڈاکٹر معید یوسف

0

Get real time updates directly on you device, subscribe now.

اسلام آباد (اے پی پی) وزیراعظم نا خصوصی کمکار قومی سلامتی ڈاکٹر معید یوسف پارینے کہ پاکستان نا فضائی دنگ داڑے گٹ بندغ آتے پدی دننگ کن ملنگ انگانے، کورونا وائرس چٹتنے پاکستانی فضائی دنگ ءِ ہم مدامی کن ملتنن، پاکستان اولیکو دے آن پیشن ہنوک آ مسافر آتا سکریننگ ءِ کننگ ءِ۔ پیشن نا ملک آ ہنوک آ بندغ آک تینا کوروناٹیسٹ ءِ المی کرفیر، زرس ہم علامت مروک آ مسافر ءِ ہم سفر کننگ نا موکل تفننگک، اگہ داوڑنا مسافر اس سفر کیک تو اودے او ملک ڈی پورٹ کیک، داڑان پاکستان نا ہم بدنامی مریک۔ جہانی میڈیا غا بھاز انگا کوویڈ۔ 19 پازیٹو ناپیشن نا ملک آتا ہِننگ نا خبر آتے ٹی ہچ ءُ راستکی اس اف۔ پاکستان زموار ءُ ملک اسے و کوویڈ۔ 19 نا بابت تینا غٹ تر زمواری تے پورو کننگ ءِ۔ او پنچ شنبے نادے آ نیشنل کمانڈ اینڈ آپریشن سینٹر (این سی او سی) ٹی میڈیا ءِ حوال تسکہ۔ خصوصی کمکار ڈاکٹر معید یوسف پارے کہ پی آئی اے پیشن نا ملک آتے ٹی گٹ پاکستانی تے پدی اتنگ کن تینا آپریشن ءِ برجاتخانے، 90 درسد پاکستانی ہرا خلیجی ملک آتے ٹی گٹ ءُ، اوفتے پدی اتنگ انگ ءِ، یک ونیم ہفتہ اسکان غٹ گٹ پاکستانی تے پدی اتنگ نا آپریشن ءِ پورو کننگک۔

Get real time updates directly on you device, subscribe now.

Leave A Reply

Your email address will not be published.