شاہد آفریدی و اونا خاہوت کورونا وائرس آن جانجوڑ
Get real time updates directly on you device, subscribe now.
کراچی (مانیٹرنگ ڈیسک) مسکوہی کیپٹن و سپر اسٹار کرکٹر شاہد آفریدی و اونا خاہوت کورونا وائرس آن جانجوڑ مس۔ تینا ٹویٹ اٹ شاہد خان آفریدی پارینے کہ ”اُرائی، مسڑ اقصی، انشاء و کنا کرونا وائرس نا ٹیسٹ ہرا مالو مثبت بسوسُس، اللہ نا شکر ءِ کہ داسہ نن دا دَین آن جانجوڑ مسن۔ شاہد آفریدی تینا خمب اٹ چُنا ءِ ہرفسا فوٹو ٹوئٹ کرسا نوشتہ کریسُس کہ ای وخت ءِ بھاز مِس کریٹہ، داسہ ننا خاہوت نا زند مالو آمبار پدی مس۔ مسکوہی کیپٹن شاہد آفریدی نا پاننگ ئس کہ ای تینا خاہوت تون اوڑدہی کننگ و چُنکا مسڑ تون گوازی کننگ ءِ بھاز مِس کریٹہ، الحمد اللہ ننا اُرا نا مالو نا چاگڑد پدی ننے رسینگا۔ ولدا ہم چُناتون گوازی و ایلو کاریم برجا ءُ۔