اُلس ءِ ریلیف فراوان کننگ کن ہر واپار ءِ کڑد ادا کروئی تمک‘ عائشہ زہری

نصیرآ باد: ڈپٹی کمشنر نصیرآباد عائشہ زہری روچہ نا مبارک آ تو اٹ کن خور نا گڑاتا نہاد آتا جاچ ءِ ہلنگ کن ڈیرہ مراد جمالی شار تون اوار ایلو خڑک انا علاقہ ڈیرہ رحمان جمالی ربیع کینال شار انا مارکیٹ آتا دورہ ءِ کرے۔ دورہ نا وخت آ او سو ڈہی پال، سوزی، فروٹ یوٹیلیٹی سٹور ایلو کن خور نا گڑاتا دکان آتیا نہاد آتا جاچ ءِ ہلک۔ تحصیلدار ڈیرہ مراد جمالی مجیب الرحمٰن ساتکزئی ہم اوڑتون اوار ئس۔ ڈپٹی کمشنر نصیرآباد عائشہ زہری دکاندار آتون ہیت وگپ کرسا پارینے کہ اُلس ءِ ریلیف فراوان کننگ کن ہر واپار ءِ تینا جوان کڑد ادا کروئی مریک تانکہ روچہ توروک آک دا کاریم آن فائدہ ہرفر۔ روچہ توروک آتا خدمت کننگ آ نیکی آن پر ءُ کاریم اسے۔ داڑان نن تینا آخرت ءِ ہم جوڑ کننگ کینہ۔ خدمت خلق نا بابت ننے دین اسلام ہم پارت ایتک۔ المی ءِ کہ نن کل دا کاریم آن کڑد ادا کین۔

(خ ن)